Zyrtare: Bastian Schweinsteiger rinovon kontratën te Chicago Fire

10:01 | 18 Janar 2018
Arbresh Info

Bastian Schweinsteiger do të vazhdojë të luaj të paktën edhe për një sezon pas nënshkrimit të kontratës një vjeçare te Chicago Fire.

Ish reprezentuesi i Gjermanisë shpenzoi edicionin 2017 te skuadra në MLS pas largimit nga Manchester United falas në muajin mars të vitit të kaluar, transmeton portali arbresh.info.

Schweinsteiger i ndihmoi Chicagos të përfundojë në pozitën e tretë në sezonin e tij debutues, por shpreson këtë sezon të siguroj ndonjë trofe.

“Jam shumë i lumtur që kam rinënshkruar me Chicago Fire dhe për të vazhduar atë që kemi nisur në vitin 2017”, ka thënë mesfushori.

“Viti i kaluar ishte i veçantë për karrierën time, por jam ndier i pakompletuar me një trofe. Por, jam i sigurt që ne mund të krijojmë një sezon të paharrueshëm me mbështetjen e tifozëve tanë të mrekullueshëm”

33-vjeçari kishte bërë 26 paraqitje sezonin e kaluar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm